Qarkullimi me autobus është një stres i vërtetë për shumë qytetarë, që për veç se duhet të durojnë kushtet aspak të mira që ofrojnë, përballen edhe me një rrezik konstant, grabitësit.
Të shumta janë rastet e raportuara për grabitje nëpër linjat e autobusëve, ku shtytjet dhe tejmbushja e urbanëve u’a bën më të lehtë “punën” xhepistëve.
Një tjetër rast ka ndodhur sot rreth orës 11.40 minuta në Tiranë, në linjën e unazës. Java News ka arritur të sigurojë disa foto ekskluzive të një autobusi të grabitur. Pas njoftimit të rastit nga një prej pasagjerëve, shoferi bllokoi dyert e autobusit në stacion dhe nuk lejoi daljen e askujt deri në mbërritjen e policisë. Një automjet i patrullës së përgjitshme arriti pas pak çastesh dhe nisi kontrollet./Javanews/a.m.
