Modelja e njohur Xhesika Berberi nuk është në grupin e personazheve të njohur që kanë ndryshuar shumë me kalimin e viteve.
Së fundi si protagoniste e klipit të famshëm të verës nga Geti dhe Majk “Ajo”, Xhesika, e cila prej disa kohësh ushtron profesionin e modeles në SHBA, i është rikthyer kujtimeve të ngrira në disa foto kur sapo kishte filluar të sfilonte dhe të binte në sy si një bukuri e pazakontë shqiptare. Në një set fotosh të postuar së fundi në Instagramin e saj, Xhesi ka treguar sa e ëmbël dhe engjëllore dukej plot 11 vjet më parë, shkruan ‘Class’.
Pasi mori kurorën e Mis Albania Universe 2011, për Xhesin do të hapeshin të gjithë rrugët në fushën e modelingut, aq sa u kthye në modelen më të preferuar jo vetëm të kopertinave në vend, por interesi u rrit ndjeshëm edhe jashtë Shqipërisë.
Dhe ja ku është sot, pas 11-vjetësh po me të njëjtën ëmbëlsi. Në këto foto që datojnë në vitin 2005, modelja ka treguar se si ka nisur rrugën e modeles dhe se me vitet nuk ka ndryshuar as formë, as dukje, pothuaj asgjë. Me buzëqeshjen engjëllore që e karakterizon gjithmonë, kopja shqiptare e Gigi Gadid mbetet një nga modelet më të bukura shqiptare./a.m.
