Hetuesit e Prokurorisë kanë sekuestruar serverin e kamerave të sigurisë në Partinë Demokratike.
Panorama.al raporton se hetuesit ndodhen brenda selisë së PD dhe po mbledhin provat.
Agjentët e Prokurorisë së Tiranës janë edhe në oborrin e selisë blu për të mbledhur provat për hetimin që ka nisur pas protestës së dhunshme të Sali Berishës.
Më herët drejtuesja e Prokurorisë së Tiranës Elisabeta Imeraj e konsideroi “skenë krimi” oborrin e Partisë Demokratike.
Ajo ndodhet në selinë e PD duke udhëhequr punën e hetuesve në mbledhjen e provave.
Kujtojmë që protestuesit i nxorrën jashtë funksionit disa nga kamerat e sigurisë të vendosura në fasadën e godinës së PD-së, duke i dëmtuar ato dhe errësuar me spraj.
