Një ekip kërkimor nga Akademia e Inovacionit për Shkencën dhe Teknologjinë e Matjes Precize, e lidhur me Akademinë kinezë të Shkencave, ka zhvilluar një metodë të re për monitorimin e pasgoditjeve sizmike duke përdorur fibra optike të telekomunikacionit. Lajmi është publikuar nga “China Science Daily”, cituar nga “Xinhua”.
Shkencëtarët përdorën teknologjinë e shpërndarjes së sensorit sizmik të fibrave optike për të transformuar një rrjet telekomunikacioni urban në një grup monitorimi sizmik ultra të dendur për reagim të shpejtë pas tërmetit.
Kontrolli i pasgoditjeve të tërmeteve të fortë ose shkatërrues mund të ndihmojë sistemet e paralajmërimit të hershëm dhe të vlerësimit të tërmeteve.
Teknologjia e monitorimit sizmik me fibra optike mund të zbulojë shtrirjen ose ngjeshjen e kabllove gjatë dridhjeve dhe të transformojë informacionin në sinjale sizmike.
Ekipi hulumtues përdori një rrjet me fibra optike të telekomunikacionit 7.6 km të gjatë në Tangshan, në provincën Hebei të Kinës veriore, për të monitoruar pasgoditjet pas një tërmeti me magnitudë 5.1 ballë që goditi distriktin Guye më 12 korrik 2020 dhe zbuloi dhjetëra pasgoditje të dobëta me një shpërndarje paraprake të rrezikut të mundshëm të dëmtimit nga tërmeti
Metodë e re për të monitoruar lëkundjet sizmike me fibra optike
