Ish-deputeti i AAK-së, Daut Haradinaj dhe bashkëshortja e tij, Lola Haradinaj, në një intervistë të dhënë së bashku për mediat në Kosovë, kanë ndarë më shumë detaje nga jeta e tyre. Ata kanë zbuluar se takimi i tyre i parë ka ndodhur në burg para më shumë se 20 viteve.
“Ka ardhur në vizitë bashkë me motrën me më vizituar, sepse unë e kam pasur një problem pas luftës me drejtësinë ndërkombëtare.
Aty kemi filluar kontaktet, pastaj natyrisht i kemi shpeshtuar kontaktet pasi jam liruar unë nga burgu në 2006.
“Kujtoj pjesën kur Dauti më ka marrë në telefon, kemi folur siç tha edhe Dauti për tema të thjeshta.
Një ditë prej ditëve Dauti më tha a mund të vish të më takosh vetëm.
Unë u stepa pak se ishte pyetja se si do të ndodhte vizita, ishte pak i çuditshëm. Gjatë gjithë rrugës isha pak në siklet.
Por ka ndodhur spontanisht dhe e mbaj mend si kujtim shumë të bukur. Për një vit kemi folur në telefon deri në 2006 kur Dauti u lirua nga burgu dhe u takuam ballë për ballë”, tha Lola.
Kujtojmë që çifti kanë bashkë dy fëmijë, një djalë dhe një vajzë.
Dauti është vëllai i Ramush Haradinajt, ndërsa Lola motra e nuses së Ramush Haradinajt. Ka qenë e motra që e prezantoi Lolën me Dautin, pikërisht në burg./m.j 
