Kryeministri Edi Rama në vijim të ritualit të tij të përditshëm ka uruar mëngjesin e sotëm ndjekësit në ‘Facebook’ me pamje që vijnë nga Vlora.
Këtë herë kreu i qeverisë ka zgjedhur foto nga rruga e Pyllit të Sodës, që sipas vlonjatëve njihet si ‘rruga e veshkave dhe syve’. Mes të tjerash Rama theksoi se po vijon projekti i transformimit të kësaj zone në një hapësirë të re turistike.
MESAZHI I RAMËS
MIRËMËNGJES 😀
dhe ju uroj një ditë të mbarë me këto foto nga Rruga e Pyllit të Sodës në Vlorë, ose siç u pagëzua nga vlonjatët në vite, rruga e veshkave dhe syve për shkak të gropave të pafundme e të errësirës që shpon sytë, e cila sot po rindërtohet jo vetëm për të shpëtuar veshkat e sytë e vlonjatëve, po edhe për të vijuar projektin e transformimit të asaj zone në një hapësirë të re turistike ku do të zgjatet edhe pjesa perëndimore e Lungomares🌹/ma.me
