Për herë të parë u zbulua dhe u bënë publike imazhet origjinale e atij që tradicionalisht konsiderohet si varri i Jezu Krishtit. Sipas “National Geographic”, ekspozimi u bë gjatë punës restauruese, në Kishën e Varrit të Shenjtë në qytetin e vjetër të Jerusalemit.
Arkeologu i “National Geographic”, Fredrik Hiebert tha se varri i Jezu Krishtit ka qenë i mbuluar me veshje mermeri që pas vitit 1555, ndoshta edhe shekuj më parë.
“Në jemi të surprizuar nga sasia e materialit të ndodhur nën të. Do të bëhen analiza të gjata shkencore, por ne më në fund do të jemi të aftë të shohim sipërfaqen origjinale shkëmbore, mbi të cilën sipas traditës, shtrihet trupi i Krishtit”, deklaroi ai.
Sipas traditës së krishterë, trupi i Jezu Krishti ishte i vënë në një raft ose në “shtratin e varrimit” ku u vendos në një shpellë gëlqerore pas kryqëzimi të tij nga romakët në vitin 30 ose 33.
