Matura është një ndër ditët e shënuara të jetës që mbetet përjetësisht në mendjen e të gjithë atyre që kanë provuar të jenë maturant. Përfundimi i tre viteve të shkollës, mbyllet gjithmonë me një festë si një mënyrë për t’i thënë “lamtumirë” gjimnazit. Por shpesh më tepër se një festë Mature, ajo duket si një sfilatë mode, ku djemtë dhe vajzat shndërrohen nga nxënës në yje të pasarelave.
E tillë ishte dhe Ada, vajza e politikanes së njohur Albina Dede.
Pas shkëlqimit të vajzës së Majlinda Bregut, edhe Ada 18 vjeçarja, nxënëse në shkollën “Petro Nini Luarasi” tërhoqi shumë vëmendje pasi dukej shumë e bukur në këtë mbrëmje mature.
Ajo kishte zgjedhur një fustan ngjyrë blu të thellë, më një të çarë deri tek kofsha dhe dekolte të theksuar, e ndërsa në harmoni me veshjen ishte dhe tualeti e modeli i flokëve.
Këtë vit kemi pasur shumë fëmijë politikanësh që kanë mbyllur këtë cikël të jetës. Kujtojmë këtu vajzën e Majlinda Bregut, vajzën e çiftit Meta por edhe djalin e Gjergj Bojaxhi. Së fundi shkëlqimit që kanë sjellë ata, i është bashkuar edhe bukuroshja e Albina Dede, Ada.
Edhe pse në moshë shumë të re, ajo i është përkushtuar me pasion botës së modelingut, dhe është një ndër emrat më premtues në këtë fushë.
