Sipas të dhënave nga Universiteti Johns Hopkins, deri më tani në SHBA janë shënuar 16,715 viktima nga Covid019 dhe janë infektuar 469,450 persona.
Të dhënat përfshijnë raste nga të 50 shtetet, Distrikti i Kolumbisë, territoret e tjera të SHBA, si dhe të gjitha rastet e riatdhesuara.
Ky rast i përgjithshëm nuk pasqyron numrin e rasteve aktive, por përkundrazi numrin e përgjithshëm të personave të infektuar që nga fillimi i pandemisë.
Nga ato raste totale, 25.960 pacientë tani janë rikuperuar, sipas JHU.
Wyoming është i vetmi shtet që nuk ka raportuar ende një viktimë nga Covid-19.
Nju Jorku ka më shumë raste të infektuara me koronavirus, sesa secili shtet tjetër jashtë Shteteve të Bashkuara, tregojnë të dhënat e fundit, raporton BBC.
Ky shtet ka konfirmuar se aktualisht ka mbi 159,937 të infektuar, duke kaluar Spanjën, që ka 153,000 raste dhe Italinë me 143,000 raste.
Por sikur të mos mjaftonte kjo, pamjet nga droni tregojnë pamje tragjike teksa disa arkivolë futen në një varrezë masive.
Por ndonëse Nju Jorku udhëheq për nga numri i të infektuarve, numri i vdekjeve në këtë shtet, 7,000 është më i ulët, sesa në Spanjë, 15,5000 dhe Itali 18,000, ndonëse është gati dyfish më i madh krahasuar me Kinën, 3,300.
Nëpër disa fotografi është parë se viktimat janë duke u varrosur nëpër varreza masive në Nju Jork.
Kina, vendi ku ka shpërthyer fillimisht virusi vitin e kaluar, ka raportuar për 82,000 raste të infektuara.
Mjeku Anthony Fauci, anëtar kyç i task-forcës për koronavirus në Shtëpinë e Bardhë, ka thënë për kanalin NBC se shifra përfundimtare e amerikanëve të vdekur nga sëmundja Covid-19, “duket se mund të jetë 60,000”.
Pamjet nga droni mbi Nju Jork treguan punëtorët që përdorin një shkallë për të zbritur në gropën e madhe, ku ishin vendosur arkemortet gati per t’i varrosur.
Imazhet janë marrë në ishullin Hart, jashtë Bronx, i cili është përdorur për më shumë se 150 vjet nga zyrtarët e qytetit si një vend varrosjeje masive për ata që nuk kanë të afërm, ose familje që nuk mund të përballojnë funeralet.
Operacionet e varrimit në këtë vend janë rritur në mes të pandemisë nga një ditë në javë në pesë ditë në javë, sipas Departamentit perkates.
g.kosovari
