Një incident qesharak për disa e me pasoja shumë negative për disa të tjerë ka ndodhur disa minuta më parë në Rrugën e Kombit dhe më saktësisht në aksin Rrëshen-Kalimash. Një kamion i madh me birrën Peja me sa duket është batuar dhe të gjitha shishet e birrës që transportoheshin në të kanë rënë në tokë.
Siç mund ta shikoni edhe nga fotot, një pjesë e madhe e tyre janë thyer, janë bërë copë e thërrime, ndërsa ata që e kanë pësuar kanë qenë udhëtarët e shumtë, të cilët kanë çarë gomat e makinave.
Për fat të mirë aksidenti nuk ka pasur pasoja në njerëz, vetëm në dëme materiale. Policia ka mbërritur në vendngjarje dhe po punon për zbardhjen e shkaqeve/JOQ/a.k
