Kjo është barbaria. Fatkeqësisht, kjo ka ndodhur dje në Korçë.

Zv.Kryeministri Niko Peleshi, ish-kryebashkiak i këtij qyteti dhe deputet i zonës, shkroi: “Trishtim të ndaj këto imazhe të vandalizmit ndaj të bukurës, në qytetin e kulturës, fare pranë Shkollës së Artit. Por vetëm një shoqëri që e njeh mirë të keqen që e kërcënon, mund të veprojë fort kundër saj. Le ta pranojmë që kemi ende shumë punë për bërë.

Nga ndërgjegjësimi i komunitetit për rolin që duhet të luajë ne mbrojtje të pronës e hapësirës publike dhe deri te veprimi energjik i Policisë së Shtetit. Korça europiane do të jetë një realitet jo thjesht dhe vetem kur rrugët dhe sheshet të jenë “si në Europë”, por kur kjo që ndodhi me skulpturat sot, ti dhembë çdo korçari njëlloj siç i dhemb autorit të talentuar Vasillaq Kolevica.

Reagimi ynë? Edhe 6 skulptura të reja këtë verë, falë Simpoziumit Ndërkombëtar te Skulpturës.

Ndërsa vetë “babai” i këtyre veprave, Vasillaq Kolevica, duke postuar pamjet e skulpturave të thyera, ka shkruar: “Vandalë ,talibanë, rezilë, skuthë, që i tmerron drita dhe dituria . E sigurtë që nuk janë korçarë por janë barbarë.” Syri.net