Presidenti i Shqipërisë, Ilir Meta, dhe kryeministri i vendit, Ramush Haradinaj, pas takimit kanë mbajtur një konferencë për media, ku shprehën angazhimin e përbashkët për perspektivën evropiane. Presidenti Meta tha se ndodhet në Kosovë në përvjetorin e 12-të të vdekjes së presidentit Ibrahim Rugova, duke theksuar kështu rëndësinë e kujtimit të vlerave të tij.
“Jam këtu për vlerësimin dhe admirimin e veçantë për presidentin Rugova në këtë përvjetor të ndarjes së tij dhe theksoj rëndësinë e kujtimit të vlerave të tij”, tha Meta.
Ai tha se me kryeministrin Haradinaj kanë diskutuar për perspektivën euro-atlantike të Kosovës.
“Shpresoj shumë në angazhimin e të gjithëve, të kryeministrit, Qeverisë, opozitës, për të dhënë zgjidhje të mençura për të gjitha ato çështje që do ta forcojnë pozitën ndërkombëtare të Kosovës… Zgjidhjet që do të japin institucionet e Kosovës”, tha Meta.
Presidenti i Shqipërisë tha se mezi po e presin 17 Shkurtin, 10-vjetorin e shtetit të Kosovës si një mundësi për të afirmuar më tej rrugën evropiane dhe euroatlantike të Kosovës dhe njëkohësisht partneritetin e fuqishëm ndërmjet Kosovës dhe Shqipërisë. Ndërkaq, kryeministri i vendit, Ramush Haradinaj, tha se ka biseduar me presidentin Meta për zhvillimet në vend, perspektivën euro-atlantike etj.
“Të gjithë jemi të vetëdijshëm për përgjegjësit në rajon. Perspektivë euro-atlantike nga bashkon të gjithëve në rajon”, tha Haradinaj.
ma.me
