Edhe pse identiteti i saj nuk është bërë me dije, përveç emrit Dora, mediat greke kanë publikuar fotot e para të 31-vjeçares fatkeqe që u vra nga ish i dashuri i saj 40-vjeçar.
Ky i fundit pas vrasjes, kreu vetëvrasje në banesën e tij. Ndërkohë që pranë kishte lënë një shënim dashurie: Pa të mirën time nuk ka kuptim të jetohet!
E reja u qëllua dy herë nga një armë gjahu ndërsa po dilte nga makina e saj, vetëm një muaj pasi kishte ndërprerë marrëdhënien me atë që do të kthehej në vrasësin e saj.
Ngjarja e rëndë ndodhi pasditën e sotme në ishullin e Rodosit, para syve të kalimtarëve, të cilët menjëherë njoftuan Policinë por nuk mundën që të ndalonin vrasjen e të resë./m.j
