Çështja Madeleine McCann është bërë virale së fundmi, pasi një vajzë polake me emrin Julia Wendelt, pretendon se është vajza britanike që u zhduk në vitin 2007 ndërsa ishte me pushime familjare në Portugali.
Kjo vajzë është e sigurt për identitetin e saj dhe madje kërkon një test ADN për ta konfirmuar. Dhe si pasojë e këtyre deklaratave, ky rast është vendosur sërish në qendër të vëmendjes.
Madeleine ishte tre vjeç kur u zhduk nga banesa e saj e pushimeve në Praia da Luz më 3 maj 2007, ndërsa prindërit e saj po darkonin në një restorant aty pranë.
Policia gjermane tha në qershor 2020 se mendohej se vajza kishte vdekur dhe se Christian Bruckner akuzohej për vdekjen e saj.
Megjithatë, zyrtarët britanikë vazhdojnë ta trajtojnë atë si një rast të zhdukur por mungesa e provave i pengoi ata të ndjekin penalisht të dyshuarin.
Kur u zhduk Madeleine ishte vetëm tre vjeç. Ajo tani do të ishte 19 vjeç. Zonjusha Wandelt është 21 vjeçe, por mendon se mosha e saj mund të jetë e gabuar dhe pretendon se nuk ka mundur të ketë akses në certifikatën e saj të lindjes. Ajo ka krijuar një llogari në Instagram të quajtur Unë jam Madeleine McCann ku poston video me detaje, për të vërtetuar pretendimet e saj.
Ndër to, ajo tregon se ka një pikë në sy dhe një njollë në këmbë, këmbë në të njëjtat vende si Madeleine.
Por në postimin e saj të fundit në llogarinë e saj në Instagram ajo shpërtheu në lot duke thënë se familja e saj që e rriti nuk e pranon atë që ajo po bën.
Në videon e fundit, e cila është shikuar më shumë se 507,000 herë, zonjusha Wandelt tha: “Më telefonoi gjyshja ime. Ajo tha se jam një person shumë i keq, se nuk dëshiron të më takojë më. Ajo filloi të më bërtasë.
Unë i kërkova asaj një test ADN-je me të ose me prindërit e mi por ata nuk pranojnë.”
Ajo pretendon se familja e saj e ka cilësuar atë si “jo normale” duke i dhënë shpresë për McCanns.
Ajo thotë se mendojnë se është një person i tmerrshëm të cilin nuk duan ta shohin më./m.j
