Deputetja e PD-së, e dyta në listën e qarkut të Tiranës, Orjola Pampuri ka bërë një deklaratë të habitshme gjatë një interviste televizive, teksa ka thënë se vjen nga një profesion i qetë, dhe si e tillë s’mund të rrije ne parlament ku persona të lidhur me krimin. Gafa e deputetes së PD-së është bërë një kohë që është pyetur se sa do të zgjasë bojkoti i opozitë dhe kur pakica do të kthehet në parlament.
Por profesioni i qetë sipas saj e bën të pamundur, që opozita të qëndrojë në një sallë me kolegët e maxhorancës, që për rrjedhojë vijnë nga profesione “jo të qeta”.
“Jemi në një bojkot dhe ende nuk është vendosur se kur kthehemi në parlament. Ne do të kthehemi atëherë kur Parlamenti të pastrohet nga personat e përfshirë në krim, pra at që bashkëpunojnë me krimin. Është e pamundur që të vish nga një profesion i qetë dhe të rrish me persona që bashkëpunojnë me krimin, totalisht e papranueshme”, u shpreh deputetja demokrate.
Lind pyetja cilat janë ato profesione, që mund ta përballojnë qëndrimin në parlament me personat e inkriminuar?! Por duket se bojkoti nuk i ka bërë keq deputetes së PD-së, e cila po e shfrytëzon për disa ditë pushime në seminare jashtë vendit si ky i fundit në kongresin e Onkologjisë.
Ajo ka publikuar disa fotografi me Munchen, teksa pozon me bashkëshortin, i cili është punonjës i Ministrisë së Shëndetësisë.
“Ne kongresin Europian te Onkologjisë, ESMO 2018 (EUROPEAN SOCIETY OF MEDICAL ONCOLOGY). MUNCHEN, GERMANY.19-23 TETOR”. /ma.me
