Isaac Success, sulmuesi i Watford, mbrëmjen e kaluar është detyruar ta kalojë në rajonet e policisë së Hertfordhire, raporton “Daily Mail”.
Futbollisti fillimisht kishte dalë të festonte në një nga lokalet e natës të qytetit teksa më pas e ka parë veten të përfundojë në një hotel me 4 prostituta, raportojnë mediat britanike.
Sipas “Daily Mail”, futbollisti i Watfordit shpenzoi 2 mijë paundë për prostitutat, ndërsa ai fiton 30 mijë në javë te Watfordit.
Njëra nga të përfshirat në këtë ngjarje, Alexis Domerge, bëri të ditur se lojtari ka paguar nga 500 paundë secilën femër për të kaluar natën me të në hotelin Sopwell House, Hertfordshire.
Ajo ka shpjeguar atë që ka ndodhur dhe pse nuk shkoi gjithçka siç kishte planifikuar lojtari.
“Na ka akuzuar se e kemi vjedhur, donte t’i kthenim paratë; ka qenë e tmerrshme. Na ka paguar 500 sterlina secilën për të kaluar natën me të”.
Një nga vajzat e tjera të përfshira, Michaela Carter, ka shtuar: “I kemi thënë se nuk mund të rrinim më shumë me të dhe situata është përkeqësuar. Ka pasur të bërtitura, që ndoshta kanë zgjuar gjithë hotelin, dhe dikush duhet të ketë njoftuar policinë”.
