Fluturat kanë pushtuar “Stade de France”, në pritje të fillimit të finales së Euro 2016. Një numër shumë i madh insektesh të tilla kanë mbuluar fushën dhe ambientet e tjera të stadiumit pak orë para fillimit të ndeshjes mes Portugalisë dhe Francës.
Por edhe në momentin kur Ronaldo është rrëzuar në tokë, një flutur është shfaqur dhe ka fluturuar në afërsi të syve të tij, të cilët po lotonin nga dhimbja dhe zemërimi…
Arsyeja sigurisht që nuk ka lidhje të drejtpërdrejtë me sportin e futbollit në vetvete dhe ka një shpjegim shumë të thjeshtë.
Një natë më parë, UEFA ka bërë disa prova për finalen në stadium, duke lënë ndezur dritat e këtij impianti.
Kjo ka bërë që gjatë gjithë natës, në stadium të mblidhen insekte të tilla të tërhequra nga dritat, “vizitorë” që UEFA nuk i kishte parashikuar, të paktën jo kaq të shumtë në numër./Panorama/a.k
