Nga Thanas Mustaqi
Dy foto që flasin shumë për zhurmën fiktive rreth punëve publike të bashkisë së Durrësit për ndërtimin e “Velierës”.
Gjatë pushtimit fashist italian në Durrës janë kryer shumë punë publike, me financime të Romës, si për shembull në kodër-Vilë për ujësjellësin, në ish-kënetë, qendrën e qytetit, rrugë në ndryshme.
Gjatë gërmimeve janë gjetur me qindra objekte antike, të cilat janë dërguar pastaj në Itali.
Pa e zgjatur, përmend se në arkivin në LUCE-janë 20 fotografi xhirimesh që datohen, më 21 shtator 1941.
Në sheshin para kullës veneciane dhe para portit autoritete politike dhe ushtarake fashiste të pushtimit vizitojnë një kantier. Këtu dolën shumë objekte antike.
Ato u evakuuan dhe u ekspozuan po atë ditë, më 21 shtator 1941, në sheshin midis fabrikës së miellit “Tomori”, pas Çlirimit “1 Maji”, sot nuk ekziston, pallatit të sotëm të sportit dhe “Dovanës”.
Italianët lanë vetëm rrënojat e objekteve të pushtimit osman dhe mbuluan themelet në ish-pallatit të Vidit, i cili, deri në vitin 1912 ishte seli e mytesarifit (një lloj kryetari qarku) dhe burg.
Sikurse dihet, konaku i Princit u shkatërrua në vitin 1918 nga bombardimet italiane.
Hamendjet e dy arkeologëve akademikë dhe të birit të një historiani të njohur (ky ka përligjur ndërtimet në ish-lulishten “1 Maj”, pas OK-it të njërit prej akademikëve) se tek sheshi i “Velierës” ka pasur objekte antike, nuk qëndron.
Si personalitete të arkeologjisë ata duhet ta dinin faktin e gërmimeve italiane.
Meqenëse njihem personalisht me dy akademikët, të cilët i vlerësoj, apo thjesht për arsye sentimentale, nuk mund të spekuloj për arsyet e shpërthimit të tyre në media. (Tema)
