Një shqiptar u arrestua nga policia greke këtë të enjte, i kapur me rreth 18 kilogramë lëndë narkotike.
Mësohet se i arrestuari është 19-vjeçari Angjelo Sullaj, i cili u kap nga policia greke me makinën me drogë.
Ndaj tij hetimet kanë nisur edhe nga policia e Sarandës, e cila ka ushtruar kontroll në banesën e tij.
Sullaj u ndalua në kufirin shqiptaro-grek, pranë Igumenicës, në zonën e Sajadhe, teksa mjeti po udhëtonte nga kufiri i gjelbër.
Më konkretisht lënda narkotike ishte ndarë në 26 pako, e fshehur në derën e makinës.
I riu u vu në prangat e policisë në kushtet e flagrancës, ndërkohë që në cilësinë e provës materiale u sekuestruan 17 kilogramë e 474 gramë marijuanë shkruan noa.
Ndërkohë policia ka shpallur në kërkim një tjetër shqiptar të moshës 28-vjeçare, i cili mendohet se është organizatori i trafikimit të lëndës narkotike.
