Ambasadori  i SHBA në Tiranë, Donald Lu, është sot ndër diplomatët më aktive në Tiranë, duke bërë që deklaratat e tij për gjyqtarët kryesisht, te detyrojne gjykatës e prokurorë të lënë orët e shtrenjta nëpër shtëpia kur bëhet fjalë për takim me Lu-në.

Por, sot duket sikur ambasadori Lu duket sikur ka lëshuar një mesazh tjëtër politik. Ai sot ka qenë krah deputetit socialist Taulant Balla në qytetin e Librazhdit, ku siç shkruan Balla “Sot ne Librazhd pritem nje mik te cmuar te Shqiperise Ambasadorin e SHBA zotin Donald Lu. Zoti Lu vizitoi Xhamine e Dragostunjes dhe me pas nje vizite ne familjen e nderuar te myftiut te Tiranes zotit Ylli Gurra.”

Siç shihet në fotot e mëposhtme, ambasadori Lu është ulur siç  e do zakoni në qoshe të oxhakut, mu aty ku ulen miqtë. Nga ana tjetër është ulur Balla (i zoti i shtëpisë). Por, a është ky një mesazh politik? Pse zgjedh ambasadori LU të ulet me deputetin që para pak ditësh  u shpreh në Kuvend se “ Amanetin e parë të viktimave të 21 janarit e çuam në vend duke çuar Saliun në shtëpi, e tani do çojmë amanetin e dytë në vend duke e çuar në burg”?

A është ky mesazhi se ambasadori Lu ka bindjen se PS (kujtojmë që Balla është Nënkryetar i Grupit parlamentar të PS) është partia që e do vërtetë këtë reformë dhe se SHBA-të janë të angazhuara të japin maksimumin e tyre që kjo reformë të bëhet?

Gjasat dhe gjuha diplomative e cila flet me gjeste dhe simbolika tregon që po. Ky është një mesazh politik që Lu po e tregon duke u ulur në qoshe si miku besnik i vendit tonë, pra, duke pranuar të ulet në atë qoshe. /LEXO.AL/