Një natë ndryshe, stolisur me kostume e motive popullore, nga veriu, jugu dhe Shqipëria e Mesme. Me këngë e valle nga më të bukurat, që i njohim e i shijojmë pothuajse në çdo festë familjare. Kjo është atmosfera që do të na sjellë sot Dancing with the Stars Albania, ku sigurisht nuk do të mungojnë dhe të ftuarit special.
E ku sigurisht kryefjala mbetet gara, sfida e fortë mes konkurrentëve VIP, që në këtë natë popullore nuk do të kërcejnë me partnerët e tyre personale por me artistët e Ansamlit Kombëtar të Këngëve dhe Valleve Popullore.
Nga 12 konkurrentë VIP që u rikthyer në këtë edicion special të Dancing with the Stars Albania, në garë kanë mbetur ende 9 prej tyre. Pas eliminimit të Diellza Kolgecit, Rike Rocit e Xhani Shqerrës, në garë janë ende Soni Malaj, Landi Hysi, Mariza Ikonomi, Rovena Dilo, Niko Komani, Kristi Popa, Viktor Zhusti, Aulona Musta dhe Amos Zaharia. Secili prej tyre do të vijë këtë natë për ta sfiduar njëri- tjetrin me një valle karakteristike popullore shqiptare. Në fund të natës pritet si gjithmonë të ketë eliminime
Producentja Holta Dulaku ka treguar se në këtë edicion të paprtituar në formula garash e eliminimesh janë më të paparashikuarat se çdo edicion tjetër. Po aq sa dhe surprizat familjare e personale që po u bëhen konkurrentëve VIP. Kujtojmë se vetëm një javë më parë ishin dy anëtarët e jurisë Alfred Kaçinari dhe Ema Andrea që u surprizuan me ardhjen dhe kërcimin në skenën e Dancing with the Stars, të dy fëmijëve të tyre Gjergj Kaçinarit dhe Sara Kapos. Përlotja e Emës së mahnitur prej së bijës bëri xhiron e rradhës në gjithë rrjetet sociale. Kujtojmë se vetëm një javë më parë konkurrentët u ndanë në dy grupe, në Të mirët dhe Të këqinjt. Po sonte çfarë do të ndodhë? Zbulojeni!
