Një aksident i rëndë me pasojë plagosjen e 6 personave ka ndodhur gjatë orëve të pasdites në aksin rrugor Bulqizë-Peshkopi. Në aksident janë përfshirë një autobus me udhëtarë dhe një veturë e vogël.
Mësohet se aksidenti ka ndodhur në vendin e quajtur “3 çezmat”, ku autobusi me targa AA 925 FO është përplasur me autoveturën tip “Peugeot” me targa AA 714 MU.
Sipas të dëhnave, njëri prej të plagosurve është në gjendje të rëndë për jetën dhe po transportohet drejt spitalit të traumës në Tiranë. Ndëkorh të palgosurit e tjerë po marrin ndihmë në spitalin e Bulqizës.
Shkaqet e këtij aksidenti janë ende të paqarta, policia po punon për zbardhjen e aksidentit./a.m.
