Arkeologët kanë zbuluar mbetjet e një qyteti të humbur në Kinë që lulëzoi më shumë se 4.000 vjet më parë. Në një vargmal mbi lumin Tuëei të Kinës, studiuesit gjetën një piramidë masive të shkallëzuar që dikur shërbeu si një qendër pallati, së bashku me mure mbrojtëse prej guri, copëza mjetesh dhe disa gropa të mbushura me kafka njerëzish të sakrifikuar.
Qyteti i lashtë i quajtur Shimao ishte shtëpia e një piramide rreth 70 metra e gjatë dhe që ishte e ruajtur nga një mur i madh i brendshëm dhe i jashtëm.
Mijëra vjet më parë kur lulëzoi, rreth vitit 2300 para Krishtit deri në 1800 para Krishtit, qyteti shtrihej në një sipërfaqe prej 988 hektarë.
Përtej hyrjes u gjet një shesh publik i hapur ku mbaheshin ritualet dhe tubimet politike.
Sipas studiuesve,pallati u ndërtua në majë të piramidës së madhe nga toka e shkatërruar me shtylla druri dhe pllaka mbulimi.
Mendohet se elitat qeverisëse jetonin në majë të kompleksit piramidal, i cili ka të ngjarë të ishte edhe vendi i prodhimeve artizanale.
Studiuesit thonë se njerëzit e sakrifikuar në masë ishin të zakonshme në Shimao, ku u gjetën 6 gropa që përmbanin kokat e prera të njerëzve, përgatiti Tema.
