Një aksident i rëndë ka ndodhur pasditen e sotme në aksin Korçë-Pogradec me pasojë plagosjen e një të riu.
Makina me targa EL3533C, ka dalë nga rruga dhe është përmbysur në një parcelë.
Ngjarja ka ndodhur pranë fshatit Lumalas, ndërsa mjeti drejtohej nga shtetasi V.D, rreth 23 vjeç, i cili është plagosur rëndë.
Ai është transportuar në Spitalin Rajonal të Korçës për ndihmë mjekësore, ku ndodhet në gjendje të rëndë shëndetësore.
U ngrit grupi hetimor, dhe po punohet për të zbardhur rrethanat e ngjarjes.
Paraprakisht, dyshohet se shkak është bërë shpejtësia e lartë.
/a.m.
