Pas një takimi të zhvilluar në Korçë lidhur me reformën territoriale, kryeministri Edi Rama ka udhëtuar drejt Greqisë ku zhvilloi një vizitë në Malin e Shenjtë (Shteti Athonit). Në këtë udhëtim, ai shoqërohej nga djali i tij i madh, Greg Rama, si dhe nga kryebashkiaku i Himarës, Vangjel Tavo.
Vizita u bë e ditur nga media greke “Orthodoxia News Agency”, e cila publikoi pamje nga qëndrimi i delegacionit shqiptar në Manastirin e Shenjtë të Madh të Vatopedit. Sipas raportimeve, kryeministri Rama mbërriti në portin e Dafnës ku u prit nga Guvernatorin Politik të Malit Athos, Alkiviadhis Stefanis, e më pas u drejtua drejt Manastirit të Vatopedit.
Aty ai u prit nga igumeni Jerond Efremi Vatopedini. Gjatë qëndrimit, kryeministri shprehu admirimin e tij për arkitekturën, pikturat dhe trashëgiminë artistike e shpirtërore të manastirit. Rama e kaloi natën në Manastirin e Vatopedit dhe u largua prej andej mëngjesin e sotëm.
