Mes liderëve botërorë e rajonalë, përfaqësues të organizatave të rëndësishme dhe njerëz të biznesit, në Forumin e Paqes që u mbajt dje (10 nëntor) në Paris ishte edhe Alex Soros. Ky i fundit ka ndarë edhe një foto krah kryeministrit Rama dhe bashkëshortes së tij Lindës.
“Çështje familjare në Élysée”, shkruan djali i filantropit George Soros krah fotografisë me çiftin kryeministror të Shqipërisë, ndërsa Rama dhe Linda pozojnë të qeshur, gjithashtu.
Djali i filantropit hungarezo-amerikan shfaqet shpesh në takime të këtij niveli që lidhen me çështjet botërore, por edhe ato rajonale. Ai është shfaqur shpesh krah kryeministrit Edi Rama dhe liderëve të tjerë të rajonit tonë, kryesisht ata që merrnin pjesë në Ballkanin e Hapur.
Forumi i Paqes në Paris është një platformë e krijuar në Mars 2018 që pret çdo vit liderët botërorë dhe krerët e organizatave ndërkombëtare, si dhe liderë nga shoqëria civile dhe sektorë privatë e mijëra individë nga e gjithë bota, për krijimin e formave të veprimit kolektiv.
Në një botë që kërkon më shumë veprime kolektive, Forumi i Paqes në Paris është një platformë e hapur për të gjithë liderët që kërkojnë të zhvillojnë koordinim, rregulla dhe kapacitete që u përgjigjen problemeve globale.
/a.r
Family affair at the Élysée! #parispeaceforum2023 pic.twitter.com/dFJQ3beYkm
— Alex Soros (@AlexanderSoros) November 10, 2023
Prezenca e Sorosit ne forum beri qe dhe Rama te shkonte ne Paris ?