Partia Socialiste hapi sot fushatën elektorale me një organizim që i ngjante një koncerti, pasi secili qark është përfaqësuar me një këngë apo valle të zonës.
Ajo që ra në sy është fakti se në asnjë moment nuk shihet flamuri i Partisë Socialiste, pasi kandidatët prezent dhe qytetarët mbajnë në duar vetëm flamurin shqiptar dhe atë të Bashkimit Evropian.
Po ashtu në asnjë vend nuk ka të vendosur postera apo logo të Partisë Socialiste.
Kjo për faktin se kryefjala e kësaj fushatë për Partinë Socialiste dhe kryeministrin Rama është integrimi i Shqipërisë në Bashkimin Evropian.
Madje Rama në zgjedhjet e 11 majit kërkon votën majtas e djathtas pikërisht me qëllimin e vetëm që në 2030 flamuri i Shqipërisë të ngrihet në Bruksel.
