Kryeministri Edi Rama duket se ka zbritur vetë në terren për aksionin ndaj informalitetit të bizneseve. Shefi i qeverisë, pas shpalljes së Shqipërisë në gjendje lufte sa i përket informalitetit, i shoqëruar nga drejtoresha e Tatimeve Briseida Shehaj dhe drejtori i Komunikimit të Kryeministrit Endri Fuga, nisën sot në terren aksionin kundër informalitetit.
Rama dhe Shehaj konsumuan një kafe në zonën e ish-Bllokut në kryeqytet, nga ku Rama deklaroi se “marrja e kuponit tatimor nga qytetarët është një detyrim patriotik”.
“Merrni kuponin tatimor sepse shqiptarët, nga konsumimi i 1 milion kafeve, humbin 61 milionë dollarë”, tha Rama.
