Fotografi Arben Llapashtica është fitues i garës kombëtare të Wikipedias, në kategorinë “Wiki Loves Monument”. Të enjten mbrëma, fotografia me dron që ai ia ka bërë Bibliotekës Kombëtare e Kosovës, “Pjetër Bogdani”, zuri vendin e parë.
Vendi i dytë i takoi fotografit, Arian Mavriqi me fotografinë që i ka bërë Kalasë së Artanës. Ndërsa vendi i tretë i takoi Bujar Gashit me fotografinë e Xhamisë së Mazhiqit. Këto fotografi fituese ishin përzgjedhur në mesin e dhjetë më të mirave.Llapashtica është shprehur i lumtur për fitoren e radhës në këtë garë.
“Edhe këtë vit fitues i vendit të parë në ‘Wiki Loves Monument’. Jo rastësisht ky çmim… jam ndër kontribuuesit më të mëdhenj me fotografi, sidomos promovimin e trashëgimisë kulturore në Enciklopedinë e Lirë Wikipedia!”, ka thënë Llapshtica, përgatiti Koha Ditore. (b.an)
