Ofensiva nga ajri dhe toka që Turqia nisi të mërkurën ndaj rebelëve kurdë në veri të Sirisë ka lënë të vrarë brenda pak orëve 5 civilë dhe 3 luftëtarë kurdë.
Presidenti turk Rexhep Taip Erdohan, i cili po komandon operacionin e titulluar “Pranvera e Paqes”, tha se qëllimi i sulmeve është parandalimi i një “korridori terrori” në kufirin jugor të vendit.
“Ushtria turke synon të neutralizojë kërcënimin terrorist kundër Turqisë dhe të krijojë një zonë tampon për të lehtësuar kthimin e refugjatëve sirianë në shtëpitë e tyre”, shkruan Erdogan në “Twitter”.
Mësymja turke megjithatë duket se ka gjetur të papërgatitur palën amerikane, edhe pse këtë javë vendosi vetë të tërhiqej nga rajoni.
Trump i cili urdhëroi trupat amerikane të largoheshin nga zona tha se pushtimi i Turqisë në zonë ishte një ‘ide e keqe’ dhe tha se Uashingtoni “nuk e miraton këtë sulm”.
Në deklaratë, Trump shtoi se Turqia ishte përkushtuar që të ‘siguroj asnjë krizë humanitare dhe ne do t’i kërkojmë atyre ta mbajnë këtë angazhim’.
Ministria e mbrojtjes e Turqisë tha sot se ata kishin goditur 181 caqe në lindje të lumit Eufrat që prej fillimit të sulmeve.
Këtë mëngjes luftëtarët rebelë sirianë të mbështetur nga Turqia u brohoritën kur u rrotulluan drejt kufirit me automjete të blinduara, duke u drejtuar për në frontet e betejës, ku luftëtarët kurdë kanë gërmuar.
Sipas Observatorit për të Drejtat e Njeriut në Siri, predhat e ushtrisë turke kanë goditur disa zona me civilë me të cilëve ka patur dhe shumë viktima.
Bashkimi Evropian i ka kërkuar Turqisë që të ndërpresë operacionet ushtarake, duke thënë se ato kompromentojnë përpjekjet diplomatike dhe ka paralajmëruar se BE nuk do të paguajë për asnjë euro për atë që Ankaraja e quan “zonë sigurie”.
Mijëra sirianë që banojnë pranë kufirit kanë marrë arratinë nga vendbanimet e tyre.
Fuqitë botërore kanë frikë se aksioni ushtarak mund të hapë një kapitull të ri, të përgjakshëm të luftës në Siri dhe të përkeqësojë paqëndrueshmërinë e rajonit.
Kurdët sot janë gardianët e të paktën 5,000 të burgosurve Irakianë dhe Sirianë të ISIS dhe një mijë luftëtarëve nga 55 shtete të tjera./ Javanews
g.kosovari
