Ky është viktima e aksidentit të sotëm në Virua.
Ai quhet Blerim Bizhga 32 vjeç banor i Tepelenës me origjinë nga fshati Kaparjel i Cepos në Gjirokastër.
Bizhga prej disa kohësh, punonte në zyrën e QKR në Bashkinë e Tepelenës si ekonomist. Ai ka qenë në një prej lokaleve të Gjirokastrës mbrëmjen e të dielës duke u gdhirë e hëna, nën shoqërinë e disa miqve të tij e bashkë me të edhe të shokut tjetër që ndodhej në bord me Sokol Lushkaj, 25 vjeç nga Tepelena.
Të dy ishin duke u kthyer në Tepelenë, ndërkohë që i lënduari Lushkaj, kishte lënë shërbimin pasi punon ushtar me pagesë në Forcat e Armatosura në zonën e Gjirokastrës.
Blerim Bizhga 20 vjet më parë, kishte humbur vëllain teksa dhe ai pësoi aksident automobilistik 200 metra larg atij që ndodhi sot. /Jugunews/a.m.
