A ju kujtohet kur Eden Hazard, Romelu Lukaku dhe Kevin De Bruyne luanin bashkë? Jo te Belgjika, por te Chelsea… Që pas fitores fantastike të “Djajve të Kuq” kundër Brazilit, falë edhe treshes sulmuese në fjalë, foto e tre lojarëve me fanellën e bluve të Londrës po shpërndahet me shpejtësi në internet.
Si një dëshmi e dështimit të Jose Mourinhos për të vlerësuar dhe shfruytëzuar talentin e tre lojtarëve që tashmë mund të konsiderohen yjet e vërtetë të këtij Botërori. Nëse në sezonin 2013-2014 “Special One” do të kishte treguar pak durim, atëherë ata sot mund të vazhdonin të ishin duke shkëlqyer me Chelsean. Diçka që tifozët e skuadrës londineze nuk mund ta harrojë aq lehtë dhe kanë nisur t’ia faturojnë përgjegjësinë trajnerit portugez.
Sigurisht, tashmë te Manchester United, Mou e ka bërë një hap prapa në gjykim, duke rimarrë Lukakun pasi e kishte shitur tek Everton. Ndërsa De Bruyne po shkëlqen te Manchester City e Hazard mund të ketë luajtur sezonin e fundit në “Stamford Bridge”.
Ishte sezoni 2013-2014. De Bruyne asokohe 22 vjeç vinte në Premier League nga Ëerder Bremen, dhe shumë menduan se nuk e kishte fizikun për të përballuar kampionatin anglez. Po atë vit vinte edhe Lukaku, 20 vjeç, pas një sezoni të mirë te Ëes Bromëich. i pari luajti vetëm tri ndeshje dhe gjatë janarit u rikthye në Gjermani te Ëolfsburg. i dyti luajti 2 ndeshje dhe gjiashtu në mes të sezonit kaloi tek Everton.
Bjondit ia mbyllën rrugën drejt formacionin lojtarë si Ëillian, Oscar apo Frank Lampard, ndërsa gjigantit të sulmit Fernando Torres dhe Samuel Eto’o. Ndërsa Hazard arriti t’ia dilte në formacionin e bluve.
Ndërsa sot, që të tre janë ata që po tërheqin përpara Belgjikën, e cila po tregon se i ka të gjitha mundësitë për të fituar Kupën e Botës, sidomos tanimë që eliminoi edhe Brazilin. Dhe këtë tifozët e Chelseat duket se nuk ja kanë falur Mourinhos, pasi me tre belgët në skuadër, historia mund të kishte qenë krejt tjetër.
ma.me
