Shtatë persona kanë humbur jetën dhe 15 të tjerë janë plagosur pas një sulmi me armë zjarri në një shkollë në Tajlandë. Mes viktimave është edhe autori i dyshuar i sulmit.
Komandanti i policisë së provincës Nonthaburi, nënkoloneli Dechrapee Kongdee, konfirmoi se personi i dyshuar për të shtënat ka kryer vetëvrasje.
Sipas zyrtarit të Ministrisë së Brendshme tajlandeze, Arsit Sampantharat, autori ishte një nxënës i shkollës.
Një dëshmitar u tha gazetarëve se nxënësit ishin fshehur në një klasë pasi dëgjuan të shtëna nga një ndërtesë tjetër, përpara se policia të trokiste në derë dhe t’u hapte rrugën për të dalë nga ambientet e shkollës.
Sipas autoriteteve lokale, gjatë vitit akademik 2025 shkolla kishte rreth 3 mijë e 100 nxënës dhe 147 mësues.
Debsirin Nonthaburi është pjesë e një rrjeti shkollash të mesme Debsirin, të themeluara nga familja mbretërore tajlandeze. Mes ish-nxënësve të saj janë kryeministra, studiues dhe shkrimtarë.
