Një ditë më parë, Astrit Patozi nisi një lëvizje të re brenda PD, bashkë me një grup anëtarësh të kryesisë që firmosën peticionin për shkarkimin e Lulzim Bashës.
Takimin e parë ata e zhvilluan me simpatizantë të PD-së në Durrës, ndërsa vetë Patozi shprehet entuziast dhe tregon qëllimin e kësaj lëvizje, përmes një statusi në Facebook. Ai thotë se në takim është diskutuar si si do ringrihet dhe shpëtohet Partia Demokratike.
“Mirënjohje demokratëve të Durrësit. Takim i shkëlqyer. Bashkë, për të shpëtuar dhe ringritur Partinë Demokratike”,- thotë Patozi.
Deputeti që nuk do të jetë në parlamentin e ardhshëm, në përpjekje për të fituar mbështetjen e demokratëve deklaroi se ata janë kundërshtarë të Ramës dhe jo të Bashës. Sipas tij, Basha korri atë që mbolli dhe duhet të jepte dorëheqjen./a.ç
