Sydney Sweeney është rikthyer në qendër të vëmendjes pas publikimit të fotografive promovuese për koleksionin më të ri të markës së saj, Syrn. Aktorja amerikane pozon me të brendshme të bardha prej dantelle dhe një pelerinë me gëzof.
28-vjeçarja, e njohur për rolin e saj në serialin “Euphoria”, zgjodhi një paraqitje njëherësh elegante dhe sensuale për prezantimin e linjës së re “romantike” të markës së të brendshmeve.
Në setin e fundit, Sweeney mban një reçipetë të bardhë dantelle dhe të brendshme të kombinuara, ndërsa pelerina e vendosur mbi supe dhe e zbukuruar me gëzof plotëson veshjen.
Publikimi shkaktoi reagime të shumta mes ndjekësve të aktores në rrjetet sociale.
Një prej fansave e cilësoi atë “E mrekullueshme”, kurse një tjetër shkroi: “Gruaja më e bukur që kam parë në jetën time”.
Imazhet e guximshme janë përdorur edhe më herët nga Sydney Sweeney për promovimin e Syrn. Vetëm disa ditë më parë, ajo ndau një video me modelen Amélie Tremblay, në të cilën të dyja prezantonin veshje nga koleksioni “Playful – Small Town Girl”.
Gjatë muajve të fundit, aktorja është përqendruar te promovimi i markës së lançuar këtë vit, pa lënë mënjanë angazhimet e saj në projektet kinematografike.
Aktualisht, Sweeney gjendet në Australi për xhirimet e një projekti të ri. Atje ajo është parë edhe nën shoqërinë e partnerit të saj, producentit muzikor Scooter Braun.
