Anëtarët e Asamblesë së Partisë Socialiste thuajse të gjithë janë drejtuar Pallatit të Kongreseve, aty ku në një prej sallave do të mbahet takimi i programuar më parë dhe që ka për diskutim tre pika kryesore.
Në fotot që disponon Gazeta Shqip Online, të gjithë ministrat dhe deputetët janë zhveshur nga xhaketat dhe kravatat dhe shumë sportivë janë drejtuar në sallën, ku mbahet ky takim i pari pas zgjedhjeve të 30 qershorit.
Të vetmit që kanë thyer rregullin ministrat Lleshaj dhe Cakaj, të vedhur me kostum, edhe pse Asambleja është menduar të zhvillohet pas orarit zyrtar.
Të qeshur dhe me jo pak nota humori, të gjithë janë drejtuar njëri pas tjetrit. Paulin Stërkaj ka qenë edhe më sportiv, pasi ka preferuar xhinset dhe një bluzë polo.
Ndërkaq, dy ministrat e shkarkuar nga Rama Ditmir Bushati dhe Niko Peleshi janë parë së bashku, teksa hynin në sallën ku zhvillohet Asambleja e PS.
g.kosovari
