Detaje të reja janë zbuluar vrasja e dyfishtë që tronditi Patosin mesditën e së enjtës.
Krimi i dyfishtë mësohet se është kryer nga një gardian i burgut të Fierit, i cili ka qëlluar me armën e shërbimit duke lënë të vdekur dy persona, njëri prej të cilëve gjeti vdekjen në vend, ndërsa tjetri ndërroi jetë në spitalin e Fierit.
Policia mundi të arrestojë në kohë rekord autorin e ngjarjes, efektivin e burgjeve Martin Skëndaj si dhe sekuestroi armën e zjarrit.
Martin Skëndaj ka qëlluar me armë zjarri në ambientet e Poliklinikës së Patosit, duke lënë të vdekur Elis Kapajn 22 vjeç, ndërsa Manol Rrapaj 26 vjeç, nuk mundi t’i mbijetoi plagëve të marra dhe ndërroi jetë në spital. Të dy viktimat janë nga Patosi, banues në fshatrat Kashisht dhe Kuqa, ndërsa sipas hetimeve paraprake dyshohet që edhe të rinjtë të jenë përfshirë në konflikt me Skëndajn para të shtënave duke e qëlluar me sende të forta.
g.kosovari
