Të paktën 18 civilë të pafajshëm humbën jetën nga sulmet ruse në Siri, ndërsa numri i atyre të plagosur është me dhjetëra. Vëzhguesit sirian të të drejtave të njeriut me bazë në Londër, thanë se viktimat u regjistruan në qytetin Ariha, e cila u sulmua nga avionë rusë.
Megjithatë, për numrin e të vrarëve ka raporte të ndryshme. Faqja e lajmeve siriane “Ariha Today”, thotë se numri i të vdekurve ka arritur në 40 persona. Qindra persona kanë humbur jetën nga sulmet ruse mbi Siri që kur se nisën në fund të muajit shtator. Lufta në Siri, që ka nisur në vitin 2011, ka shkaktuar mbi 250,000 të vrarë dhe miliona të zhvendosur.
