Një shkollë fillore u ka kërkuar djemve dhe vajzave duke filluar nga mosha tre vjeç që të hyjnë sot në shkollë të veshur me funde, për të ‘promovuar barazinë’. Por kërkesa nga Castleview Primary në Edinburg është kritikuar nga disa prindër.
Kjo pason një lëvizje të ngjashme në Spanjë, ku mësuesit dhe fëmijët kanë veshur funde për të treguar solidaritet me një djalë që u përjashtua pasi kishte veshur një të tillë vitin e kaluar. 4 Nëntori tani është dita e ‘vish një fund në shkollë’ në Spanjë.
Në një email drejtuar prindërve nga Castleview, thuhej se donin që fëmijët të ndiheshin të rehatshëm duke marrë pjesë dhe se pantallonat mund të visheshin nën funde nëse ishte e nevojshme. Shkolla madje ofroi të siguronte funde për disa të rinj nëse asnjë nuk kishte të tillë në shtëpi. Mësuesit gjithashtu mund të veshin funde.
Një nënë shkroi në Twitter: ‘Djali im është pesë vjeç dhe sapo e mora këtë nga shkolla! Lërini fëmijët të jenë fëmijë.’
Një tjetër përdorues i Twitter-it i quajtur Nicola u përgjigj: ‘Nëse një djalë dëshiron të veshë një fund në shkollë, ai duhet të lejohet, por pse të ushtrohet presion mbi njerëzit që t’i kërkojnë djalit të tyre të veshë një fund ose të shihet si një lloj fanatizmi?’
“Ne duam që shkolla jonë të jetë gjithëpërfshirëse dhe të promovojë barazinë. Ne jemi të prirur të përhapim mesazhin se rrobat nuk kanë gjini dhe se të gjithë duhet të jemi të lirë të shprehemi siç zgjedhim,” thane drejtuesit e shkollës.
Chris McGovern, nga Fushata për Edukim të Vërtetë, tha se të rriturit po ushqejnë ankthet e tyre tek fëmijët, të cilët thjesht duhet të mësohen të trajtojnë të tjerët ashtu siç do të donin të trajtoheshin vetë. Këshilli i qytetit tha se nxënësit nuk duhej të merrnin pjesë nëse nuk dëshironin./m.j
