Këtë vit Festivali i edicionit të 58-të në RTSH drejtohet nga prezantuesja e njohur Alketa Vejsiu.
Por duke qenë se ajo prej disa vitesh së bashku me regjisoren Vera Grabocka drejton edhe disa spektakle në TV Klan, ka marrë edhe kritika.
Pas disa fotove të bëra publike në Instagram, një komentues, i identifikuar me nofkën “abc”, i ka shkruar “Kam frik te hap frigoriferin se mos me del Alketa atje.”
Prezantuesja i është përgjigjur menjëherë se, “mos ki frikë, pasi zemrën e kam me aq dashuri, sa edhe akujt mund të shkrijnë”, por më pas nga reagimet ajo e ka fshirë postimin e saj.
“Kaq lekë kemi ne si popull, sa mund të ndërrosh fustanet e shtrenjta shpesh”, ka qenë një tjetër kritikë karshi Alketa Vejsiut.
Përkrahësit e Alketës janë hedhur në sulm dhe kanë akuzuar kritikët për xhelozi ndaj saj.
Ka pasur reagime të ashpra mes komentuesve, disa prej të cilëve kanë lavdëruar punën e Alketës, por disa e kanë kundërshtuar atë, sidomos për daljen shpesh në ekran si dhe shpenzimet luksoze.
g.kosovari
