Një helikopter u rrëzua në rrethana të paqarta në rrëzë të malit Ololokwe në Kenian qendrore, duke vrarë pilotin dhe gjashtë turistë në bord.
Shefi i inteligjencës së Ekuadorit, Michele Sensi-Contugi, mbeti i vdekur së bashku me gruan e tij në një rrëzim helikopteri në Kenia.
Michele Sensi-Contugi ishte kreu i Qendrës së Inteligjencës Strategjike të vendit (Centro de Inteligencia Estratégica / CIES) dhe një aleat i ngushtë i presidentit ekuadoras Daniel Noboa.
“Sot, Michele dhe Stephanie na lanë shumë herët. Mendimet e mia janë me familjen e tyre, veçanërisht me fëmijët dhe prindërit e tyre”, shkroi Roberto Luque, Ministri i Infrastrukturës dhe Transportit i Ekuadorit, në Platformën X.
“Michele Sensi Contugi, drejtor i përgjithshëm i Qendrës së Inteligjencës Strategjike (CIES) të Ekuadorit, vdiq së bashku me gruan e tij, këtë të mërkurë, më 19 gusht, në një aksident aviacioni në Kenia, Afrikë”, thuhet në deklaratën zyrtare të autoriteteve.
Departamenti Amerikan i Shtetit tha se pesë qytetarë amerikanë ishin midis viktimave të tragjedisë.
