Ushtarët e Vladimir Putinit po djegin kufomat e qytetarëve ukrainas të torturuar dhe vrarë me dyshimin se kanë ndihmuar rezistencën.
Madje, pjesë e këtyre kufomave janë edhe vetë ushtarët rusë, të cilët janë vrarë nga goditjet e vazhdueshme të predhave ukrainase nga vendosjet e artilerisë që rrethojnë qytetin dhe nga njësitë sekrete shumë të organizuara të luftëtarëve të lirisë.
E gjitha kjo po ndodh mbi qytetin e pushtuar Kherson në Ukrainë, ku një tym i trashë ka pushtuar gjithcka. Ky tym i keq është dëshmi e krimeve ruse të luftës dhe vjen nga inceneratorët e lëvizshëm që punojnë ditë e natë.
Sipas DailyMail, informacion është i besueshëm dhe vjen nga banorët e Khersonit, të cilët kundërshtojnë ashpër pushtimin rus, duke rrezikuar gjithçka për të zbuluar të vërtetën. Ata thonë se shumë nga trupat ruse janë të dehur gjatë gjithë kohës.
Armët, municionet, paketat, madje edhe ushqimet janë në mungesë për ushtrinë e Putinit, ndërsa vodka është gjithmonë e disponueshme me bollëk.
Këta ushtarë janë mbledhur nga rajonet më të varfra të perandorisë së Putinit, shumë larg nga Shën Petersburgu dhe Moska. Askush në qytetet kryesore nuk dëshiron t’i dërgojë djemtë se këtë territor të pushtuar vetëm vriten.
Tani në Kherson, rusët gjuhen nga snajperët, vihen në pritë dhe bombardohen. Falë dërgesave të armëve perëndimore, Forcat e Armatosura të Ukrainës (AFU) kanë fuqinë për të shkaktuar dëme serioze.
Arma që rusët kanë më shumë frikë është sistemi i raketave të artilerisë me lëvizshmëri të lartë M142 (HIMARS), i furnizuar nga SHBA dhe i aftë të lëshojë breshëri raketash nga pjesa e pasme e një kamioni të blinduar. Të dyja të manovrueshme dhe të sakta vdekjeprurëse, këto raketahedhëse janë efektivisht të pandalshëm. Ato mund të fshijnë një deponi municionesh ose një kolonë tankesh me një goditje./abcnews.al
g.kosovari
