Biznesmeni i njohur nga Mali i Zi, Miodrag Daka Davidoviç u plagos me snajper mbrëmë në Beograd. Mediat serbe raportojnë 62 vjeçari u plagos mbrëmë përpara Hotelit “Crown Plaza” në qendër të qytetit.
Biznesmeni u transportua në një institucion të kujdesit shëndetësor privat me automjete private dhe sipas informacioneve të para, është jashtë rrezikut për jetën.
Sipas mediave malazeze, Miodrag Daka Davidovic ka qenë i interesuar për politikën viteve të fundit. Dy vjet më parë, ai shiti një biznes të madh të karburanteve në Nikshiq. Përveç stacionit të karburantit, Davidoviç gjithashtu punoi në prodhimin e pijeve alkoolike, si dhe aktivitetet e ndërtimit.
g.kosovari
