Teksa fluturonin me helikopter mbi West Wind të Kanadasë, dy policë kishin nisur një bisedë të detajuar në lidhje me seksin oral, pa e kuptuar se sistemi i adresës publike të helikopterit ishte i ndezur.
Brandi Armstrong dhe burri i saj ishin ulur jashtë shtëpisë së tyre rreth orës 21:30, kur ajo dëgjoi diçka mbi tingujt e një zhurme helikash helikopteri. Ato ishin fjalë të pista të shkëmbyera në mes dy policëve, duke i kërkuar njëri tjetrit seks oral.
E shokuar, Armstrong deklaroi se bashkëshorti i saj gjithashtu kishe dëgjuar bisedën vulgare të dy policëve. Këta të dy nuk ishin të vetmit qe u befasuan nga kjo ngjarje. Një breshëri komentesh vërshuan në Twitter në lidhje me këtë akt të turpshëm nga dy policët.
Ky ngacmim i pisët shumë shpejt u bë një rrëmujë serioze për gjithë shërbimin policor të Winnipeg.
Armstrong është në mesin e atyre që këtë bisedë e mendojnë si ofenduese. Ajo tha se policët duhet të jenë të disiplinuar.
“Një polic ka një detyrë shumë të rëndësishme. Shumë njerëz besojnë në ta. Fëmijët besojnë në ta dhe ata janë dukë dhënë një shembull të keq për ata fëmijë. Gati si të thuash se është në rregull të flasësh ashtu“- shprehet Armstrong.
