Thjeshtësia, qytetaria, mjeshtëria, talenti, mirësia, të gjitha bashkë gërshëtohen në një për personalitete të rralla të artit dhe kulturës shqiptare, të tillë si Mirush Kabashi.
Aktori i madh Mirush Kabashi prej rreth dy vitesh luftonte me një sëmundje të rëndë.
Lajmin mbi sëmundjen e tij e dha një punonjëse spitali, e cila publikoi në maj të këtij viti një foto me aktorin e madh.
Ata ndodheshin në ambientet e spitalit ku aktori mbahej edhe në një karrige me rrota.
Aktori aq shumë i pëlqyer për publikun, mjeshtri i madh, sot 72-vjeç, sapo kishte dalë nga një seancë radioterapie, pasi mjeku tha se vuante prej dy vitesh nga një sëmundje e rëndë.
Disa muaj pas shtrimit në spital, fotot e bëra publike në media me aktorin gjatë javës së fundit, në rrugët e Tiranës, tregojnë fatmirësisht përmirësimin e ndjeshëm të shëndetit të tij.
Siç shihet edhe nga foto (fotogaleri), teksa ecën në rrugët e kryeqytetit, Mirush Kabashi i është rikthyer normalitetit dhe përditshmërisë, si më parë.
I veshur sportiv, por i ndihmuar edhe nga një shkop për të ecur, Kabashi ka qenë i shoqëruar nga bashkëshortja e tij.
Mirush Kabashi i përket një brezi të artë aktorësh shqiptarësh, i cili bëri epokë në kohëra të vështira për Shqipërinë.
g.kosovari
Shume mire qe keni shkruar kete lajm. Dhe mundesisht lajme sa me te mira e sa me optimiste duhet te shkruani. Por me fjaline e fundit e keni prishur. Si mund te thuash “beri epoke ne kohera te veshtira”?! O ishin kohe te arta per kinematografine ato vite, o nuk ka si behet! Ne ate kohe u be art i vertete, i sinqerte dhe me profesionist se kurre. Sot kemi 30 vjet dhe sot mund te thuhet ajo fjali. Cdo aktor apo artist ne pergjithesi Po jeton ne kohera te veshtira, ku shume emigrojne, dhe per fat te keq per aktoret emigrimi eshte ta mbyllesh pergjithmone me profesionin. Keni degjuar ndonje aktor qe te ece perpara si aktor ne emigrim?! Ose duhet te jesh shkolluar jashte dhe te kesh konjuktura me producente te famshem e te zote, ose te mbarosh per aktor ketu e te shkosh jashte, eshte nje perqindje shume e vogel ( e pallogaritshme), pothuajse zero, qe te kesh sukses si aktor.
nderim, respekt, dhe perulje para gjigandeve si Mirushi.
kur shikoj Mirushin per mua eshte nje moment magjik.
eshte momenti kur une pyes veten :
a jam i sinqerte sa duhet ?
a kam zemer te madhe ?
a kam miresine e duhur ?
a jape dashuri sa duhet ?
te gjithe ne duhet te jemi pak Mirush .