PD ka depozituar në Prokurorinë e Përgjithshme padinë e saj penale kundër Kryeministrit Edi Rama në lidhje me foton e vitit 2012 me Presidentin e SHBA Obama. PD e akuzon Ramën se ka paguar 80 mijë dollar për këtë foto, teksa në emër të PD-së ka folur Eduard Halimi, I cili ka thënë se kryeministri ka kryer të paktën 3 vepra penale.
“Kryeministri ka konsumuar të paktën 3 elementë të veprave penale të mashtrimit, fshehjes së parave, dhe mashtrimit me to.
Faktet plotësojnë të gjithë elementët e figurave penale të legjislacionit shqiptar… janë të qarta të gjitha elementët. Victor Ponta në Rumani u dënua për shumë e shumë më pak se këto për të cilat ne po akuzojmë Edi Ramën… Faktet nga SHBA-të, tregojnë se paratë erdhën nga Shqipëria dhe ato janë paguar nga Edi Rama, që përdori Bilalin për të hyrë në eventin e Obamës”- tha Halimi./java/a.k
