Pas ndarjes nga jeta në mënyrë të parakohshme të legjendës së muzikës botërore George Michael, nuk kanë munguar ngushëllimet nga artistë dhe politikanë të ndryshëm. Aktorja amerikane Sarah Michelle Gellar ka bërë një gafë në Twitter, pasi ka ngatërruar këngëtarin George Michael me Boy George.
“Vërtet dëshiron të më lëndosh? (Duke iu referuar këngës së Boy George, “Do You Really Want To Hurt Me”). U prehsh në paqe Boy George. Kam qenë vërtet një prej fanseve të tua më të mëdha”, shkroi aktorja në “Twitter”.
Por pas këtij postimi, kanë reaguar menjëherë fansat duke i bërë të ditur aktores se nuk kishte vdekur Boy George , por George Michael. Pas kësaj aktorja ka fshirë postimin dhe ka rregulluar gabimin duke bërë një tjetër postim.
“Po aq e pikëlluar edhe kur merr informacionin e vërtetë. U prehsh në paqe George Michael. Faleminderit të gjithëve që më përmirësuat, ndjehem akoma më e pikëlluar”, ka shkruar Sarah në postimin e ri.
BW/d.i.
(FOTO) Ngushëllimi për vdekjen, aktorja ngatërron George Michael me Boy George
