Jemi mësuar t’i shohim duke shkëlqyer në tapetet e kuq me veshje mijëra dollarëshe dhe me një jetë në luks. Por yjet e showibizit kanë pasur edhe ata një herë e një kohë jetën e tyre normale. Nga Madonna në fillim të viteve ’80 e cila shiste petulla e deri tek aktori i Brad Pitt i cili në të kaluarën e tij është detyruar të vishet si pulë për të reklamuar një fast food, JavaNews.al sjell listën e personave që përpara famës kanë pasur një jetë të thjeshtë.
Në vendin e parë qëndron aktori Brad Pitt i cili në të kaluarën për të mbijetuar ka transportuar friforiferë, shoferë limuzine apo edhe i veshur si pulë për efekt publiciteti ndaj një kompanie fas food.
Në vendin e dytë është aktorja Sandra Bullock e cila para disa javësh u shpall edhe si gruaja më e bukur në botë. Por aktorja ka pasur rrugë të gjatë. Përpara se të bëhej e famshme ajo punonte si kamariere në lokalet e New York-ut për të përballuar koston e shkollës.
E treta në listë është aktorja kanadeze Rachel McAdams e cila përpara se të fitonte famë si aktore punonte në McDonald’s
Nuk mund të mungonte në këtë listë edhe aktori Ashton Kutcher i cili kur ishte student punonte si pastrues në kompaninë General Mills.
Edhe pirati më i famshëm në botë Johny Depp përpara se të merrte rrugën e tapetit të kuq ka djersitur. Ai më parë ka qenë më i miri në shitjen e stilolapsave.
Sot ajo është një seks simbol dhe e pasur por përpara kësaj Eva Mendes ka pununar si kamariere në fast food apo qoftë edhe duke shitur hot dog.
Një profesion paksa më delikat bënte aktorja australiane Nicole Kidman që në të kaluarën ka qenë masazhatore.
Gruaja më e pushtetshme në ekranet televizive amerikane, Ophrah Winfrey në të shkuarën ka qenë magaziniere në një dyqan të vogël.
Edhe aktori i njohur në serialin “Friends” Matt LeBlanc në të kaluarën i është dashur të ngjyjë duart pasi në moshën 20 vjeçare punonte si murator.
Edhe Jennifer Aniston përpara famës bënte me pasion të madh punën e kamarieres.
Është paksa e vështirë ta mendosh por për Tom Cruise nuk ka qenë aspak mision i pamundur të punonte si portier në një hotel.
Ndërkohë që është paksa e vështirë të mendohet që Wolverine Hugh Jackman në të kaluarën ka qenë profesor fiskulture.
Ndërkohë mashkulli që nuk gjen dot paqe me një femër Geroge Clooney është e vështirë të mendohet se në të kaluarën ka shitur këpucë, ka bërë gazetarin, madje ka shitur edhe cigare.
Ndërkohë që mbretëresha e muzikës pop Madonna dikur ka punuar si kamariere në një ëmbëltore.
