(UPDATE) Është proceduar në gjendje të lirë Arbër Braho 33 vjeç, djali i kreut të Komisionit të Sigurisë Spartak Braho, pasi ka kaluar me të kuqe në dy raste semaforin.
Sipas policisë, djali i Brahos nuk i është bindur urdhrit të policit me iniciale B.M ndërsa ka shkelur sinjalistikën rrugore duke kaluar semaforin me të kuqe. Kjo pasi policia rrugore e kishte ndaluar fillimisht 33 vjeçarin ndërsa i kërkoi atij që të bëjë testin e alkoolit Kjo është refuzuar nga Braho, duke bërë që ai të largohej me shpejtësi.
Ka qenë punonjësi i policisë rrugore B.M i cili duke parë këtë veprim ka depozituar kallëzimin penal ndaj Arbër Brahos. Policia ka nisur hetimet për zbardhjen e plotë të ngjarjes.
Ka reaguar djali i Brahos duke kërkuar ballafaqim me policinë . Ai shprehet se nuk është e vërtetë që ka shkelur rregullat e qarkullimit dhe se nuk ëshët e vërtetë që nuk ju ka ndaluar policëve.
