E keni vënë re se kameramanët e Kupës së Botës shkojnë dhe filmojnë tifozet seksi gjatë ndeshjeve? Epo një gjë e tillë mesa duket nuk do të ndodhë në Katar.
Madje thuhet se tifozet seksi mund të përballen me gjoba dhe me burg, nëse zbulojnë shpatullat, pavarësisht nga fakti se temperaturat pritet që të rriten shumë gjatë turneut.
Sipas kodit ligjor të Katarit, gjërat që konsiderohen të padëmshme në Mbretërinë e Bashkuar si shfaqjet publike të dashurisë ose veshja e rrobave të hapura mund të çojnë në arrestime.
Për këtë arsye, fansat femra do të duhet të jenë veçanërisht të kujdesshme për sasinë e lëkurës që ekspozojnë.
Gratë nga vendet e ndryshme nuk pritet që të ndjekin kodin e rreptë të veshjes myslimane të vendit, por pritet që ato të mbulojnë mesin dhe shpatullat e tyre, ndërsa fundet, fustanet duhet të mbulojnë gjunjët.
Por jo vetëm kaq, pasi në mënyrë të ngjashme, burrat do të përballen me gjoba dhe burgim nëse heqin plotësisht bluzat apo mbajnë slogane fyese.
Tifozët mund të gjobiten deri në 2400 paund për hedhjen e mbeturinave gjatë turneut gjithashtu. Disa vende në Katar do të kenë rregulla më të rrepta se të tjerat, megjithëse pritet që të ketë shumë siguri për të identifikuar ata që i shkelin ato.
Faqja e internetit të Kupës së Botës thotë: “Njerëzit në përgjithësi mund të veshin veshjet e tyre të zgjedhura. Vizitorët pritet të mbulojnë shpatullat dhe gjunjët kur vizitojnë vende publike si muzetë dhe ndërtesat e tjera qeveritare. Në plazhet dhe pishinat e hoteleve lejohen veshjet e banjës. Tifozët që ndjekin ndeshjet duhet të kenë parasysh se heqja e fanellave në stadium nuk lejohet”.
/e.d
